詹得雄：赢了什么，醒来作甚？改革开放四十年国际环境变化的思考

「搖滾教父」夏韶聲舉行一連2場紅館演唱會，當然有唔少圈中人捧場睇show，修哥胡楓就由契仔張家輝同契新抱關詠荷陪同下到場。

完場後，一眾好友到後台同夏韶聲見面。曾經效力TVB多年嘅演員夏竹欣，拍片紀錄低當時嘅情況。片中所見，好友向夏韶聲歡呼過後，Danny Summer見到曾經一齊主演《烈火雄心》嘅關詠荷，居然問對方「你幾時有細路仔？」，吓？關詠荷同張家輝個女Brittany 都19歲啦！

關詠荷聽到之後就話「（小朋友）好大喇！」，而身旁嘅張家輝就幫手打圓場話「就嚟生！」。夏韶聲似乎知道講錯嘢，於是乎話「好大喇？即係你好耐冇見我呀！」，關詠荷以一句「係喎，好耐無見！」完咗件事。

離開TVB轉投保險界嘅夏竹欣都有提及當晚遇見張家輝夫婦嘅開心時刻，寫道－

「咁啱撞到家輝哥同好耐冇見嘅Esther（關詠荷），超開心，即刻攬攬先。

Esther第一句就問：你係咪結咗婚呀？

我話：係呀，結咗好耐喇，呢個我老公

黎生（夏竹欣老公）：Hi

家輝哥即問黎生：佢做我丫環嘅時候你哋結咗未先？

真係次次見親佢都比佢笑死

諗返起好多以前日日一齊拍《同事三分親》拍足364集嘅開心日子，好好玩，好多美好回憶。

最開心係我讚佢好靚，佢話你都係啦直頭係冇變過。嘩！妳咁讚我真係好Happy Wor！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！