中国建成首台散裂中子源 最高中子效率达国际先进散裂中子源中国中国科学院

吳業坤（坤哥）2022年與日本藝人濱口愛子結婚，太太隨坤哥移居香港生活，一直都好恩愛。早前，坤哥成功入選香港空手道初級代表隊並遠赴烏茲別克參加亞洲空手道錦標賽（AKF）選拔賽，濱口愛子則對坤哥表示無限支持，於社交平台指會一直好好看著和守護坤哥，又轉發坤哥嘅帖文指：「我真的很擔心你會受傷，能平安無事真是太好了，辛苦了。」實行隔空放閃。濱口愛子於去年底開設個人YouTube頻道「aitube / 浜口愛子」，希望透過頻道分享香港生活及成為與大家交流嘅地方，並指自己會繼續努力練習講廣東話，曾用廣東話分享一周生活嘅影片引起關注。近日，濱口愛子又公開一段喺家中打造居家居酒屋嘅影片，曝光二人私下相處嘅情況。

從影片所見，濱口愛子喺家中製作炸雞、薯仔沙律、明太子燒飯團等料理，還原居酒屋嘅氛圍。當坤哥回家時，濱口愛子即時對佢用日文表示歡迎：「歡迎回來！」二人更不時鬥嘴，坤哥抱怨上菜速度「好慢」、「唔夠（食）」，濱口愛子則直指坤哥係位好麻煩嘅客人，互動極為甜蜜。對於坤哥娶到日本女生濱口愛子做老婆，外界紛紛指係坤哥幾生修到，坤哥冇否認呢個講法，覺得濱口愛子答應成為佢另一半係佢三生有幸。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！